tujh se mil kar sab se naate toD liye the — Moin Shadab

kisi ko dil se bhulaane mein der lagti hai
ye kapDe kamre ke andar sukhaane paDte hain

— Moin Shadab

sardi aur garmi ke uzr nahin chalte
mausam dekh ke saahab ishq nahin hotaa

— Moin Shadab

dil ek hai to kai baar kyuun lagaayaa jaae
bas ek ishq bahut hai agar nibhaayaa jaae

— Moin Shadab

nae tarz ki colony mein sab kuchh ek saa hai
apnaa ghar bhi haath baDi mushkil se aataa hai

— Moin Shadab

umr bhar ko miraa honaa bhi nahin chaahtaa vo
mujh ko aasaani se khonaa bhi nahin chaahtaa vo

— Moin Shadab

us se milne ki khushi baa'd mein dukh deti hai
jashn ke baa'd kaa sannaaTaa bahut khaltaa hai

— Moin Shadab

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

us ke munh pe mukar gayaa thaa dil
aaj had se guzar gayaa thaa dil

— Divyansh Rawat