us se milne ki khushi baa'd mein dukh deti hai — Moin Shadab

sardi aur garmi ke uzr nahin chalte
mausam dekh ke saahab ishq nahin hotaa

dil ek hai to kai baar kyuun lagaayaa jaae
bas ek ishq bahut hai agar nibhaayaa jaae

nae tarz ki colony mein sab kuchh ek saa hai
apnaa ghar bhi haath baDi mushkil se aataa hai

umr bhar ko miraa honaa bhi nahin chaahtaa vo
mujh ko aasaani se khonaa bhi nahin chaahtaa vo

tum sharaafat kahaan baazaar mein le aae ho
ye vo sikka hai jo barson se nahin chaltaa hai

kisi ko dil se bhulaane mein der lagti hai
ye kapDe kamre ke andar sukhaane paDte hain

gham hai na ab khushi hai na ummid hai na yaas
sab se najaat paae zamaane guzar gae

nahin nahin main bahut khush rahaa huun tere baghair
yaqin kar ki ye haalat abhi abhi hui hai

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

us ko sochun to dhyaan mein mere
khushbu aati hai pahli baarish ki

gar mujh ko miTaanaa thaa miTaa dete khushi se
anjaam 'vijay' soch to lete vo badi kaa