haT na kar ai dukht-e-raz betaabiyaan baDh jaaeingi — Munshi Khairati Laal Shagufta

na sharmaao aankhein milaa kar to dekho
mulaaqaat hai ham se tum se kabhi ki

ba-shakl-e-naakhun-e-angusht sar kaTaane se
hayaat milti hai jab intiqaal hotaa hai

main vo shaidaa-e-gesu huun ki aksar mausam-e-gul mein
miraa paa-e-nazar paDtaa hai zanjir-e-gulistaan par

adab bakhshaa hai aisaa rabt-e-alfaaz-e-munaasib ne
do-zaanu hai miri tab-e-rasaa tarkib-e-urdu se

mujh ko rote dekh kar paas aae vo tafhim ko
kyuun na dil se duun duaaein apne ghain o miim ko

jo husn-o-ishq kaa ham-vazn imtihaan Thahraa
vo be-dahan nazar aayaa mein be-zabaan Thahraa