titliyāñ uḌtī haiñ aur un ko pakaḌne vaale — Shayari Of Mustafa Zaidi

jis din se apnā tarz-e-faqīrāna chhuT gayā
shāhī to mil ga.ī dil-e-shāhāna chhuT gayā

yuuñ to vo har kisī se miltī hai
ham se apnī ḳhushī se miltī hai

ḳhudā kare ki tire husn ko zavāl na ho
maiñ chāhtā huuñ tujhe yūñhī umr-bhar dekhūñ

ruuh ke is vīrāne meñ terī yaad hī sab kuchh thī
aaj to vo bhī yuuñ guzrī jaise ġharīboñ kā tyauhār

ham ne to luT ke mohabbat kī rivāyat rakh lī
un se to pochhiye vo kis liye pachhtāte rahe

mat pūchh ki ham zabt kī kis raah se guzre
ye dekh ki tujh par koī ilzām na aayā