mat pūchh ki ham zabt kī kis raah se guzre — Shayari Of Mustafa Zaidi

jis din se apnā tarz-e-faqīrāna chhuT gayā
shāhī to mil ga.ī dil-e-shāhāna chhuT gayā

titliyāñ uḌtī haiñ aur un ko pakaḌne vaale
sa.ī-e-nākām meñ apnoñ se bichhaḌ jaate haiñ

ḳhudā kare ki tire husn ko zavāl na ho
maiñ chāhtā huuñ tujhe yūñhī umr-bhar dekhūñ

mirī ruuh kī haqīqat mire āñsuoñ se pūchho
mirā majlisī tabassum mirā tarjumāñ nahīñ hai

ruuh ke is vīrāne meñ terī yaad hī sab kuchh thī
aaj to vo bhī yuuñ guzrī jaise ġharīboñ kā tyauhār

vo ik tilism thā qurbat meñ us ke umr kaTī
gale lagā ke use us kī aarzū karte

kisī ko ghar se nikalte hī mil ga.ī manzil
koī hamārī tarah umr bhar safar meñ rahā

justujū kho.e huoñ kī umr bhar karte rahe
chāñd ke hamrāh ham har shab safar karte rahe

baḌe baḌe ġham khaḌe hue the rasta roke rāhoñ meñ
chhoTī chhoTī ḳhushiyoñ se hī ham ne dil ko shaad kiyā

dil ajab shahr ki jis par bhī khulā dar is kā
vo musāfir ise har samt se barbād kare

zamāna aql ko samjhā huā hai mish.al-e-rāh
kise ḳhabar ki junūñ bhī hai sāhib-e-idrāk

guzar jā aql se aage ki ye nuur
charāġh-e-rāh hai manzil nahīñ hai!