ḳhudā kare ki tire husn ko zavāl na ho — Shayari Of Mustafa Zaidi

jis din se apnā tarz-e-faqīrāna chhuT gayā
shāhī to mil ga.ī dil-e-shāhāna chhuT gayā

ruuh ke is vīrāne meñ terī yaad hī sab kuchh thī
aaj to vo bhī yuuñ guzrī jaise ġharīboñ kā tyauhār

mirī ruuh kī haqīqat mire āñsuoñ se pūchho
mirā majlisī tabassum mirā tarjumāñ nahīñ hai

titliyāñ uḌtī haiñ aur un ko pakaḌne vaale
sa.ī-e-nākām meñ apnoñ se bichhaḌ jaate haiñ

vo ik tilism thā qurbat meñ us ke umr kaTī
gale lagā ke use us kī aarzū karte

koī rafīq baham hī na ho to kyā kiije
kabhī kabhī tirā ġham hī na ho to kyā kiije

Khudi ko kar buland itna ke har taqdeer se pehle
Khuda bande se khud pooche, bata teri raza kya hai

kisī ko ghar se nikalte hī mil ga.ī manzil
koī hamārī tarah umr bhar safar meñ rahā

justujū kho.e huoñ kī umr bhar karte rahe
chāñd ke hamrāh ham har shab safar karte rahe

ab to ye aarzū hai ki vo zaḳhm khā.iye
tā-zindagī ye dil na koī aarzū kare

jo zahr pī chukā huuñ tumhīñ ne mujhe diyā
ab tum to zindagī kī duā.eñ mujhe na do

go safedī mū kī yuuñ raushan hai juuñ āb-e-hayāt
lekin apnī to isī zulmāt se thī zindagī