ruuh ke is vīrāne meñ terī yaad hī sab kuchh thī — Shayari Of Mustafa Zaidi

jis din se apnā tarz-e-faqīrāna chhuT gayā
shāhī to mil ga.ī dil-e-shāhāna chhuT gayā

titliyāñ uḌtī haiñ aur un ko pakaḌne vaale
sa.ī-e-nākām meñ apnoñ se bichhaḌ jaate haiñ

yuuñ to vo har kisī se miltī hai
ham se apnī ḳhushī se miltī hai

ham ne to luT ke mohabbat kī rivāyat rakh lī
un se to pochhiye vo kis liye pachhtāte rahe

koī rafīq baham hī na ho to kyā kiije
kabhī kabhī tirā ġham hī na ho to kyā kiije

ḳhudā kare ki tire husn ko zavāl na ho
maiñ chāhtā huuñ tujhe yūñhī umr-bhar dekhūñ

kitne nādāñ haiñ tire bhūlne vaale ki tujhe
yaad karne ke liye umr paḌī ho jaise

sunā hai vo mire baare meñ sochtā hai bahut
ḳhabar to hai hī magar mo'tabar zyāda nahīñ

is zindagī meñ itnī farāġhat kise nasīb
itnā na yaad aa ki tujhe bhuul jaa.eñ ham

''aap kī yaad aatī rahī raat bhar''
chāñdnī dil dukhātī rahī raat bhar

na itnā zulm kar ai chāñdnī bahr-e-ḳhudā chhup jā
tujhe dekhe se yaad aatā hai mujh ko māhtāb apnā

maiñ ne majnūñ pe laḌakpan meñ 'asad'
sang uThāyā thā ki sar yaad aayā