is andhere mein to Thokar hi ujaalaa degi — Nida Fazli

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

kuchh bhi bachaa na kahne ko har baat ho gai
aao kahin sharaab piyein raat ho gai

apne lahje ki hifaazat kijiye
sher ho jaate hain naa-maalum bhi

ghi misri bhi bhej kabhi akhbaaron mein
kai dinon se chaae hai kaDvi yaa allaah

zaruri kyaa har ik mahfil mein baiThein
takalluf ki ravaa-daari se bachiye

ek be-chehra si ummid hai chehra chehra
jis taraf dekhiye aane ko hai aane vaalaa

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

shor din ko nahin sone detaa
shab ko sannaaTaa jagaa detaa hai

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

roz ik taaza qasida nai tashbib ke saath
rizq bar-haq hai ye khidmat nahin hogi ham se

tavil raat bhi aakhir ko khatm hoti hai
'sharif' ham na andheron se maat khaaeinge