hatheliyoñ kī duā phuul ban ke aa.ī ho — Parveen Shakir

justujū kho.e huoñ kī umr bhar karte rahe
chāñd ke hamrāh ham har shab safar karte rahe

vo na aa.egā hameñ ma.alūm thā is shaam bhī
intizār us kā magar kuchh soch kar karte rahe

ḳhud apne se milne kā to yaarā na thā mujh meñ
maiñ bhiiḌ meñ gum ho ga.ī tanhā.ī ke Dar se

dil ajab shahr ki jis par bhī khulā dar is kā
vo musāfir ise har samt se barbād kare

mas.ala jab bhī charāġhoñ kā uThā
faisla sirf havā kartī hai

band kar ke mirī āñkheñ vo sharārat se hañse
būjhe jaane kā maiñ har roz tamāshā dekhūñ

jo zahr pī chukā huuñ tumhīñ ne mujhe diyā
ab tum to zindagī kī duā.eñ mujhe na do

gar tujh ko hai yaqīn-e-ijābat duā na maañg
ya.anī baġhair-e-yak-dil-e-be-mudda.ā na maañg

ham se khul jaao ba-vaqt-e-mai-parastī ek din
varna ham chheḌeñge rakh kar uzr-e-mastī ek din

maiñ kyā karūñ mire qātil na chāhne par bhī
tire liye mire dil se duā nikaltī hai

jo nafas thā ḳhār-e-gulū banā jo uThe the haath lahū hue
vo nashāt-e-āh-e-sahr ga.ī vo vaqār-e-dast-e-duā gayā

sohbat meñ ġhair kī na paḌī ho kahīñ ye ḳhū
dene lagā hai bosa baġhair iltijā kiye