kai to miT gae kitne khanDar bane hue hain — Qamar Abbas Qamar

ab ki mumkin hai zamin khuun ki pyaasi na rahe
ik qabile ne meri baat nahin maani hai

— Qamar Abbas Qamar

tishna-lab aisaa ki honTon pe paDe hain chhaale
mutmain aisaa huun dariyaa ko bhi hairaani hai

— Qamar Abbas Qamar

mujhe bachaa le mire yaar soz-e-imshab se
ki ik sitaara-e-vahshat jabin se guzregaa

— Qamar Abbas Qamar

shiddat-e-gham se koi gham bhi nahin ho paayaa
jaane vaale tiraa maatam bhi nahin ho paayaa

— Qamar Abbas Qamar

akelaa-pan hai aur aisaa akelaa-pan jis mein
koi jo puchh le kuchh sab bataane lagte hain

— Qamar Abbas Qamar

hamaari raat kaa ik vaqt tai hai jis mein ham
tamaam bichhDe huon ko bulaane lagte hain

— Qamar Abbas Qamar

donon ke dil mein khauf thaa maidaan-e-jang mein
donon kaa khauf faasla thaa darmiyaan kaa

— Mohammad Alvi

leaderi chaaho to lafz-e-qaum hai mehmaan-navaaz
gap-navison ko aur ahl-e-mez ko raazi karo

— Akbar Allahabadi

khauf aataa hai apne saae se
hijr ke kis maqaam par huun main

— Siraj Faisal Khan

gham ki dahshat-gardi mein bhi dil ko khole rakkhaa ham ne
varna is maahaul mein shahron shahron taale paD jaate hain

— Mukesh Aalam

pahle chingaari se ik shola banaataa hai mujhe
phir vahi tez havaaon se Daraataa hai mujhe

— Obaidullah Siddiqui

larzaan hai kisi khauf se jo shaam kaa chehra
aankhon mein koi khvaab pirone nahin detaa

— Parkash Fikri