gham ki dahshat-gardi mein bhi dil ko khole rakkhaa ham ne — Mukesh Aalam

khaak huun uDtaa huun sach hai ki main aavaara-mizaaj
paani hotaa bhi to sailaab mein dekhaa jaataa

chaahne vaalo pyaar mein thoDi aazaadi bhi laazim hai
dekho meraa phuul ziyaada dekh-bhaal se TuuT gayaa

mujhe duniyaa ke taanon par kabhi ghussa nahin aataa
nadi ki tah mein jaa ke saare patthar baiTh jaate hain

aaj to aise bijli chamki baarish aai khiDki bhigi
jaise baadal khinch rahaa ho mere ashkon ki tasvirein

kitni bhi pyaari ho har ik shai se ji uktaa jaataa hai
vaqt ke saath to chamkile zevar bhi kaale paD jaate hain

use manaane mein ham ne ganvaa diyaa us ko
ki shisha TuuT gayaa dhuul saaf karte hue

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

ye aansu ponchh lijiye aur muskuraaiye
chaara nahin hai koi bhi rukhsat kiye baghair

husn jalva dikhaa gayaa apnaa
ishq baiThaa rahaa udaas kahin

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

main ne apni palkon par gham-kade sajaae hain
aarzu ke maatam mein sogvaar hasti hai