nurse ko dekh ke aa jaati hai munh pe raunaq — Rauf Raheem

nahin hai bahr mein be-vazn hai 'rahim' magar
hamaari shaairi sur mein hai aur taal mein hai

— Rauf Raheem

milegi seat election mein aap ko ik din
agar ye chamcha-gari kaamyaab ho jaae

— Rauf Raheem

hai bajaT ghaaTe mein jurmaane zaruri hain yahaan
is liye sarkaar meri luuT kar khaane ko hai

— Rauf Raheem

qaail hain zaaiqe ke gharaz kyaa hai rang se
dastar pe dekhte hi nahin ham mutton kaa rang

— Rauf Raheem

hai himaaqat 'rahim' shaadi bhi
is se miTTi palid hoti hai

— Rauf Raheem

millat ki aabru ko milaataa hai khaak mein
leader hamaaraa kitnaa baDaa khaaksaar hai

— Rauf Raheem

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir