milegi seat election mein aap ko ik din — Rauf Raheem

millat ki aabru ko milaataa hai khaak mein
leader hamaaraa kitnaa baDaa khaaksaar hai

nahin hai bahr mein be-vazn hai 'rahim' magar
hamaari shaairi sur mein hai aur taal mein hai

hai bajaT ghaaTe mein jurmaane zaruri hain yahaan
is liye sarkaar meri luuT kar khaane ko hai

qaail hain zaaiqe ke gharaz kyaa hai rang se
dastar pe dekhte hi nahin ham mutton kaa rang

hai himaaqat 'rahim' shaadi bhi
is se miTTi palid hoti hai

nurse ko dekh ke aa jaati hai munh pe raunaq
vo samajhte hain ki bimaar kaa haal achchhaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

gham hai na ab khushi hai na ummid hai na yaas
sab se najaat paae zamaane guzar gae

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

bas ek pal ki tamannaa-e-vasl ki khaatir
tamaam 'umr lagaa di gai sanvarne mein