kitne chehre lage hain chehron par — Saghar Khayyami

muddat hui hai bichhDe hue apne-aap se
dekhaa jo aaj tum ko to ham yaad aa gae

aam teri ye khush-nasibi hai
varna langDon pe kaun martaa hai

us vaqt mujh ko daavat-e-jaam-o-subu mili
jis vaqt main gunaah ke qaabil nahin rahaa

kaun kahtaa hai bulandi pe nahin huun 'saaghar'
meri me'raaj-e-mohabbat miri rusvaai hai

chehre to jhurriyon se bhare dil javaan hain
din mein hain shaikh raat mein salmaan-khaan hain

hamaare laal ko darkaar hai vahi laDki
ki jis kaa baap police mein ho kam se kam deputy