aam teri ye khush-nasibi hai — Saghar Khayyami

chehre to jhurriyon se bhare dil javaan hain
din mein hain shaikh raat mein salmaan-khaan hain

ab aap hi bataaein vo kaise nibhaaegaa
jis ko nasib dum nahin vo kyaa hilaae gaa

ek qaidi subh ko phaansi lagaa kar mar gayaa
raat bhar ghazlein sunaain us ko thaanedaar ne

mahngaai ke zamaane mein bachchon ki rel-pel
aisaa na ho kamar tiri mahngaai toD de

hamaare laal ko darkaar hai vahi laDki
ki jis kaa baap police mein ho kam se kam deputy

kitne chehre lage hain chehron par
kyaa haqiqat hai aur siyaasat kyaa

gham hai na ab khushi hai na ummid hai na yaas
sab se najaat paae zamaane guzar gae

nahin nahin main bahut khush rahaa huun tere baghair
yaqin kar ki ye haalat abhi abhi hui hai

main bahut khush thaa kaDi dhuup ke sannaaTe mein
kyuun tiri yaad kaa baadal mire sar par aayaa

inhi gham ki ghaTaaon se khushi kaa chaand niklegaa
andheri raat ke parde mein din ki raushni bhi hai

khushaamad ai dil-e-betaab is tasvir ki kab tak
ye bolaa chaahti hai par na bolegi na boli hai

meri miTTi se bahut khush hain mire kuza-gar
vaisaa ban jaataa huun main jaisaa banaate hain mujhe