kaise ho kyaa hai haal mat puchho — Salman Akhtar

kuchh to apne liye bhi rakhnaa hai
zakhm auron ko kyuun dikhaaein sab

ham jo pahle kahin mile hote
aur hi apne silsile hote

zindagi is qadar kaThin kyuun hai
aadmi ki bhalaa khataa kyaa hai

ye alag baat ki vo mujh se khafaa rahtaa hai
main ik insaan huun aur mujh mein khudaa rahtaa hai

ik vahi shakhs mujh ko yaad rahaa
jis ko samjhaa thaa bhuul jaaungaa

jhaankte raat ke garebaan se
ham ne sau aaftaab dekhe hain