ik vahi shakhs mujh ko yaad rahaa — Salman Akhtar

kaise ho kyaa hai haal mat puchho
mujh se mushkil savaal mat puchho

kuchh to apne liye bhi rakhnaa hai
zakhm auron ko kyuun dikhaaein sab

ham jo pahle kahin mile hote
aur hi apne silsile hote

zindagi is qadar kaThin kyuun hai
aadmi ki bhalaa khataa kyaa hai

ye alag baat ki vo mujh se khafaa rahtaa hai
main ik insaan huun aur mujh mein khudaa rahtaa hai

jhaankte raat ke garebaan se
ham ne sau aaftaab dekhe hain

mere khvaabon ke jharokon ko sajaate rahiye
na sahi vasl magar yaad to aate rahiye

chori chori ham se tum aa kar mile the jis jagah
muddatein guzrin par ab tak vo Thikaanaa yaad hai

qaaem rahe kyaa imaarat-e-dil
buniyaad mein to paDaa hai Dhahnaa

bahaarein ham ko bhulin yaad itnaa hai ki gulshan mein
garebaan chaak karne kaa bhi ik hangaam aayaa thaa

bhuli nahin ujDe hue gulshan ki bahaarein
haan yaad hain vo din ki hamaaraa bhi khudaa thaa

aakhiri baar main kab us se milaa yaad nahin
bas yahi yaad hai ik shaam bahut bhaari thi