vahī jiine kī āzādī vahī marne kī jaldī hai — Shayari Of Saqi Faruqi

ḳhudā ke vāste mauqā na de shikāyat kā
ki dostī kī tarah dushmanī nibhāyā kar

nāmoñ kā ik hujūm sahī mere ās-pās
dil sun ke ek naam dhaḌaktā zarūr hai

pyaas baḌhtī jā rahī hai bahtā dariyā dekh kar
bhāgtī jaatī haiñ lahreñ ye tamāshā dekh kar

vahī āñkhoñ meñ aur āñkhoñ se poshīda bhī rahtā hai
mirī yādoñ meñ ik bhūlā huā chehrā bhī rahtā hai

maiñ ne chāhā thā ki ashkoñ kā tamāshā dekhūñ
aur āñkhoñ kā ḳhazāna thā ki ḳhālī niklā

jis kī havas ke vāste duniyā huī aziiz
vāpas hue to us kī mohabbat ḳhafā milī

vatan kī fikr kar nādāñ musībat aane vaalī hai
tirī barbādiyoñ ke mashvare haiñ āsmānoñ meñ

turkoñ kā jis ne dāman hīroñ se bhar diyā thā
merā vatan vahī hai merā vatan vahī hai

mīr-e-arab ko aa.ī ThanDī havā jahāñ se
merā vatan vahī hai merā vatan vahī hai

maz.hab nahīñ sikhātā aapas meñ bair rakhnā
hindī haiñ ham vatan hai hindostāñ hamārā

ham ahl-e-qafas tanhā bhī nahīñ har roz nasīm-e-sub.h-e-vatan
yādoñ se mo.attar aatī hai ashkoñ se munavvar jaatī hai

ik ḳhūñ-chakāñ kafan meñ karoḌoñ banāo haiñ
paḌtī hai aañkh tere shahīdoñ pe huur kī