vahī āñkhoñ meñ aur āñkhoñ se poshīda bhī rahtā hai — Shayari Of Saqi Faruqi

nāmoñ kā ik hujūm sahī mere ās-pās
dil sun ke ek naam dhaḌaktā zarūr hai

pyaas baḌhtī jā rahī hai bahtā dariyā dekh kar
bhāgtī jaatī haiñ lahreñ ye tamāshā dekh kar

maiñ ne chāhā thā ki ashkoñ kā tamāshā dekhūñ
aur āñkhoñ kā ḳhazāna thā ki ḳhālī niklā

vahī jiine kī āzādī vahī marne kī jaldī hai
divālī dekh lī ham ne dasahre kar liye ham ne

tujh se milne kā rāsta bas ek
aur bichhaḌne ke rāste haiñ bahut

tamām jism kī uryāniyāñ thiiñ āñkhoñ meñ
vo merī ruuh meñ utrā hijāb pahne hue

kitne nādāñ haiñ tire bhūlne vaale ki tujhe
yaad karne ke liye umr paḌī ho jaise

is zindagī meñ itnī farāġhat kise nasīb
itnā na yaad aa ki tujhe bhuul jaa.eñ ham

''aap kī yaad aatī rahī raat bhar''
chāñdnī dil dukhātī rahī raat bhar

sunā hai vo mire baare meñ sochtā hai bahut
ḳhabar to hai hī magar mo'tabar zyāda nahīñ

maiñ ne majnūñ pe laḌakpan meñ 'asad'
sang uThāyā thā ki sar yaad aayā

na itnā zulm kar ai chāñdnī bahr-e-ḳhudā chhup jā
tujhe dekhe se yaad aatā hai mujh ko māhtāb apnā