pyaas baḌhtī jā rahī hai bahtā dariyā dekh kar — Shayari Of Saqi Faruqi

nāmoñ kā ik hujūm sahī mere ās-pās
dil sun ke ek naam dhaḌaktā zarūr hai

vahī jiine kī āzādī vahī marne kī jaldī hai
divālī dekh lī ham ne dasahre kar liye ham ne

maiñ ne chāhā thā ki ashkoñ kā tamāshā dekhūñ
aur āñkhoñ kā ḳhazāna thā ki ḳhālī niklā

ḳhudā ke vāste mauqā na de shikāyat kā
ki dostī kī tarah dushmanī nibhāyā kar

tujh se milne kā rāsta bas ek
aur bichhaḌne ke rāste haiñ bahut

tamām jism kī uryāniyāñ thiiñ āñkhoñ meñ
vo merī ruuh meñ utrā hijāb pahne hue

qatra apnā bhī haqīqat meñ hai dariyā lekin
ham ko taqlīd-e-tunuk-zarfi-e-mansūr nahīñ

kaifiyat hī koī paanī ne badal lī ho kahīñ
ham jise dasht samajhte haiñ vo dariyā hī na ho

raqs karne kā milā hukm jo dariyāoñ meñ
ham ne ḳhush ho ke bhañvar bāñdh liyā paañv meñ

ishrat-e-qatra hai dariyā meñ fanā ho jaanā
dard kā had se guzarnā hai davā ho jaanā

mirī fazā meñ hai tartīb-e-kā.enāt kuchh aur
ajab nahīñ jo tirā chāñd hai sitāra mujhe

hue madfūn-e-dariyā zer-e-dariyā tairne vaale
tamāñche mauj ke khāte the jo ban kar guhar nikle