kaali ghaTaa kab aaegi fasl-e-bahaar mein — Sardar Ganda Singh Mashriqi

ai shaikh apnaa jubba-e-aqdas sambhaaliye
mast aa rahe hain chaak garebaan kiye hue

— Sardar Ganda Singh Mashriqi

maza dekhaa kisi ko ai pari-ru munh lagaane kaa
ab aaina bhi kahtaa hai ki main madd-e-muqaabil huun

— Sardar Ganda Singh Mashriqi

phaaD kar khat us ne qaasid se kahaa
koi paighaam-e-zabaani aur hai

— Sardar Ganda Singh Mashriqi

shaikh chal tu sharaab-khaane mein
main tujhe aadmi banaa dungaa

— Sardar Ganda Singh Mashriqi

tum jaao raqibon kaa karo koi mudaavaa
ham aap bhugat leinge ki jo ham pe bani hai

— Sardar Ganda Singh Mashriqi

aage mere na tikhi maar ai shaikh
raat kaa maajraa sunaa dungaa

— Sardar Ganda Singh Mashriqi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

phir baiThe baiThe vaada-e-vasl us ne kar liyaa
phir uTh khaDaa huaa vahi rog intizaar kaa

— Ameer Minai

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi

kisi ke raste pe kaise nazrein jamaae rakkhun
abhi to karnaa mujhe hai khud intizaar meraa

— Alam Khursheed

jaan-sapaari daagh katthaa chunaa hai chashm-e-intizaar
vaaste mehmaan gham ke dil hai biiDaa paan kaa

— Siraj Aurangabadi