phir baiThe baiThe vaada-e-vasl us ne kar liyaa — Ameer Minai

aafat to hai vo naaz bhi andaaz bhi lekin
martaa huun main jis par vo adaa aur hi kuchh hai

maani hain main ne saikaDon baatein tamaam umr
aaj aap ek baat miri maan jaaiye

kaun si jaa hai jahaan jalva-e-maashuq nahin
shauq-e-didaar agar hai to nazar paidaa kar

vo dushmani se dekhte hain dekhte to hain
main shaad huun ki huun to kisi ki nigaah mein

khudaa ne nek surat di to sikho nek baatein bhi
bure hote ho achchhe ho ke ye kyaa bad-zabaani hai

tum ko aataa hai pyaar par ghussa
mujh ko ghusse pe pyaar aataa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

kisi ke raste pe kaise nazrein jamaae rakkhun
abhi to karnaa mujhe hai khud intizaar meraa

jaan-sapaari daagh katthaa chunaa hai chashm-e-intizaar
vaaste mehmaan gham ke dil hai biiDaa paan kaa

mujh ko lagtaa hai ghaDi jis ne banaai hogi
intizaar us ko bhi shiddat se kisi kaa hogaa