kisi ke raste pe kaise nazrein jamaae rakkhun — Alam Khursheed

kabhi kabhi kitnaa nuqsaan uThaanaa paDtaa hai
airon ghairon kaa ehsaan uThaanaa paDtaa hai

tamaam rang adhure lage tire aage
so tujh ko lafz mein tasvir kartaa rahtaa huun

tahzib ki zanjir se uljhaa rahaa main bhi
tu bhi na baDhaa jism ke aadaab se aage

kisi ko DhunDte hain ham kisi ke paikar mein
kisi kaa chehra kisi se milaate rahte hain

ab kitni kaar-aamad jangal mein lag rahi hai
vo raushni jo ghar mein bekaar lag rahi thi

ishq mein tahzib ke hain aur hi kuchh falsafe
tujh se ho kar ham khafaa khud se khafaa rahne lage

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe

laazim hai intizaar karungaa main umr-bhar
mumkin agar ho tum bhi miri raah dekhnaa

maza to shaam ki mahfil ke intizaar mein hai
sahar mein kuchh nahin khvaab-e-sahar mein kuchh bhi nahin

mujhe khabar thi miraa intizaar ghar mein rahaa
ye haadsa thaa ki main umr bhar safar mein rahaa

'ghaalib'-e-khasta ke baghair kaun se kaam band hain
roiye zaar zaar kyaa kijiye haae haae kyuun