meri fariyaad koi naiin suntaa — Shaikh Zahuruddin Hatim

ai khizaan bhaag jaa chaman se shitaab
varna fauj-e-bahaar aave hai

kabhu bimaar sun kar vo ayaadat ko to aataa thaa
hamein apne bhale hone se vo aazaar behtar thaa

phaDkun to sar phaTe hai na phaDkun to ji ghaTe
tang is qadar diyaa mujhe sayyaad ne qafas

bul-havas go karein tere lab-e-shirin par hujum
talkh mat ho ki miThaai se magas aati hai

meraa maashuq hai mazon mein bharaa
kabhu miThaa kabhu salonaa hai

sau baar taar taar kiyaa to bhi ab talak
saabit vahi hai dast o garebaan ki dosti

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

kahaan milaa main tujhe ye savaal baa'd kaa hai
tu pahle yaad to kar kis jagah ganvaayaa mujhe

'anjum' tumhaaraa shahr jidhar hai usi taraf
ik rail jaa rahi thi ki tum yaad aa gae

tum ko bhulaa rahi thi ki tum yaad aa gae
main zahr khaa rahi thi ki tum yaad gae

kal shaam chhat pe mir-taqi-'mir' ki ghazal
main gungunaa rahi thi ki tum yaad aa gae