koi saaya na koi ham-saaya — Shehpar Rasool

dusron ke zakhm bun kar oDhnaa aasaan nahin
sab qabaaein hech hain meri ridaa ke saamne

khayaal-o-khvaab ko naam-o-nasab ko achchhaa ho
puraane saalon se ye saal sab ko achchhaa ho

mujhe bhi lamha-e-hijrat ne kar diyaa taqsim
nigaah ghar ki taraf hai qadam safar ki taraf

main ne bhi dekhne ki had kar di
vo bhi tasvir se nikal aayaa

rekhta kaa ik nayaa majzub hai 'shahpar' rasul
shohrat us ke naam par ik nang hai bohtaan hai

'shahpar' miri hadon kaa taayyun kare koi
aankhon se bah rahun ki ragon mein phiraa karun