dusron ke zakhm bun kar oDhnaa aasaan nahin — Shehpar Rasool

khayaal-o-khvaab ko naam-o-nasab ko achchhaa ho
puraane saalon se ye saal sab ko achchhaa ho

mujhe bhi lamha-e-hijrat ne kar diyaa taqsim
nigaah ghar ki taraf hai qadam safar ki taraf

main ne bhi dekhne ki had kar di
vo bhi tasvir se nikal aayaa

koi saaya na koi ham-saaya
aab-o-daana ye kis jagah laayaa

rekhta kaa ik nayaa majzub hai 'shahpar' rasul
shohrat us ke naam par ik nang hai bohtaan hai

'shahpar' miri hadon kaa taayyun kare koi
aankhon se bah rahun ki ragon mein phiraa karun

na tum hosh mein ho na ham hosh mein hain
chalo mai-kade mein vahin baat hogi

zindagi zor hai ravaani kaa
kyaa thamegaa bahaav paani kaa

kahaan milegi misaal meri sitamgari ki
ki main gulaabon ke zakhm kaanTon se si rahaa huun

aae kuchh abr kuchh sharaab aae
is ke baa'd aae jo azaab aae

sadaa har baar dohraayaa gayaa huun
main naghme ki tarah gaayaa gayaa huun

shaakh-dar-shaakh hoti hai zakhmi
jab parinda shikaar hotaa hai