jama kar lijiye ghairon ko magar khubi-e-bazm — Shibli Nomani

faraaz-e-daar pe bhi main ne tere giit gaae hain
bataa ai zindagi tu legi kab tak imtihaan meraa

aap jaate to hain us bazm mein 'shibli' lekin
haal-e-dil dekhiye izhaar na hone paae

main ruh-e-aalam-e-imkaan mein sharh-e-azmat-e-yazdaan
azal hai meri bedaari abad khvaab-e-giraan meraa

ye nazm-e-aain ye tarz-e-bandish sukhanvari hai fusun-gari hai
ki rekhta mein bhi tere 'shibli' maza hai tarz-e-'ali-hazin' kaa

ajab kyaa hai jo nau-khezon ne sab se pahle jaanein diin
ki ye bachche hain in ko jald so jaane ki aadat hai

taskhir-e-chaman par naazaan hain tazin-e-chaman to kar na sake
tasnif fasaana karte hain kyuun aap mujhe bahlaane ko