ye nazm-e-aain ye tarz-e-bandish sukhanvari hai fusun-gari hai — Shibli Nomani

jama kar lijiye ghairon ko magar khubi-e-bazm
bas vahin tak hai ki baazaar na hone paae

faraaz-e-daar pe bhi main ne tere giit gaae hain
bataa ai zindagi tu legi kab tak imtihaan meraa

aap jaate to hain us bazm mein 'shibli' lekin
haal-e-dil dekhiye izhaar na hone paae

main ruh-e-aalam-e-imkaan mein sharh-e-azmat-e-yazdaan
azal hai meri bedaari abad khvaab-e-giraan meraa

ajab kyaa hai jo nau-khezon ne sab se pahle jaanein diin
ki ye bachche hain in ko jald so jaane ki aadat hai

taskhir-e-chaman par naazaan hain tazin-e-chaman to kar na sake
tasnif fasaana karte hain kyuun aap mujhe bahlaane ko

jhaankte raat ke garebaan se
ham ne sau aaftaab dekhe hain

shor din ko nahin sone detaa
shab ko sannaaTaa jagaa detaa hai

raushni ho rahi hai kuchh mahsus
kyaa shab aakhir tamaam ko pahunchi

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

shab ko aa kar vo phir gayaa haihaat
kyaa isi raat ham ko sonaa thaa

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein