Shayari Of Shibli Nomani

aap jaate to haiñ us bazm meñ 'shiblī' lekin
hāl-e-dil dekhiye iz.hār na hone paa.e

tasḳhīr-e-chaman par nāzāñ haiñ taz.īn-e-chaman to kar na sake
tasnīf fasāna karte haiñ kyuuñ aap mujhe bahlāne ko

farāz-e-dār pe bhī maiñ ne tere giit gaa.e haiñ
batā ai zindagī tū legī kab tak imtihāñ merā

ye nazm-e-ā.īñ ye tarz-e-bandish suḳhanvarī hai fusūñ-garī hai
ki reḳhta meñ bhī tere 'shiblī' maza hai tarz-e-'alī-hazīñ' kā

ajab kyā hai jo nau-ḳhezoñ ne sab se pahle jāneñ diiñ
ki ye bachche haiñ in ko jald so jaane kī aadat hai

jam.a kar lījiye ġhairoñ ko magar ḳhūbī-e-bazm
bas vahīñ tak hai ki bāzār na hone paa.e

maiñ rūh-e-ālam-e-imkāñ meñ sharh-e-azmat-e-yazdāñ
azal hai merī bedārī abad ḳhvāb-e-girāñ merā