pahle siite hain ham garebaan ko — Syed Masood Hasan Masood

aah ye chaara-saaziyaan haae ye be-niyaaziyaan
sab se nazar mili hui sab se magar alag alag

hazaaron paikar-e-ummid nazron se hue ojhal
jo kuchh baaqi rahe the vo bhi pinhaan hote jaate hain

tiraa kucha bahut achchhaa hai lekin
mire rahne ki gunjaaish kahaan hai

aish-e-duniyaa se khush na ho koi
ham ne dekhe hain aise khvaab bahut

kisi paaband-e-gham ki zindagi kyaa
kabhi naale kabhi fariyaad karnaa