duniyaa-bhar mein jitne manzar achchhe hain — Tajdar Adil

har musaafir ke saath aataa hai
ik nayaa raasta hamesha se

milaa thaa hijr ke raste mein subh ki maanind
bichhaD gayaa thaa musaafir se raat hone tak

vo is kamaal se khelaa thaa ishq ki baazi
main apni fath samajhtaa thaa maat hone tak

tumhaari yaad baDhi aur dil huaa raushan
ye ek shama andhere ne khud jalaa li hai

zakhm kab kaa thaa dard uThaa hai ab
us ke jaane kaa dukh huaa hai ab

meri aankhon mein khvaab hain jis ke
us ki aankhon mein rat-jagaa hai ab