zakhm kab kaa thaa dard uThaa hai ab — Tajdar Adil

har musaafir ke saath aataa hai
ik nayaa raasta hamesha se

milaa thaa hijr ke raste mein subh ki maanind
bichhaD gayaa thaa musaafir se raat hone tak

duniyaa-bhar mein jitne manzar achchhe hain
un kaa husn aur shor havaa kaa tere naam

vo is kamaal se khelaa thaa ishq ki baazi
main apni fath samajhtaa thaa maat hone tak

tumhaari yaad baDhi aur dil huaa raushan
ye ek shama andhere ne khud jalaa li hai

meri aankhon mein khvaab hain jis ke
us ki aankhon mein rat-jagaa hai ab

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

aankhon mein jaag uTThe hain tanhaa shajar ke dukh
guldaan mein jo phuul saje dekhtaa huun main

tere jaane ke baa'd jaanaa hai
zindagi hai safar udaasi kaa