main apne bachpane mein chhu na paayaa jin khilaunon ko — Tanveer Sipra

kitnaa buad hai mere fan aur peshe ke maabain
baahar daanish-var huun lekin mill mein oil-man

— Tanveer Sipra

sab ki nigaah mein tire godaam aa gae
ab apne haathon maal ki taqsim kar na kar

— Tanveer Sipra

dihaat ke vajud ko qasba nigal gayaa
qasbe kaa jism shahr ki buniyaad khaa gai

— Tanveer Sipra

mill maalik ke kutte bhi charbile hain
lekin mazduron ke chehre piile hain

— Tanveer Sipra

teri to aan baDh gai mujh ko navaaz kar
lekin miraa vaqaar ye imdaad khaa gai

— Tanveer Sipra

kabhi apne vasaael se na baDh kar khvaahishein paalo
vo paudaa TuuT jaataa hai jo laa-mahdud phaltaa hai

— Tanveer Sipra

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

raat yuun dil mein tiri khoi hui yaad aai
jaise viraane mein chupke se bahaar aa jaae

— Faiz Ahmad Faiz

lab-e-khaamosh mein hi jaa-e-amaan aaj bhi hai
varna kahne ko to har munh mein zabaan aaj bhi hai

— Arshi Malik

chup-chaap apne yaar ki dahliz par mare
duniyaa kahegi ham bhi kisi chiiz par mare

— Asad Awan

shahr gum-sum raaste sunsaan ghar khaamosh hain
kyaa balaa utri hai kyuun divaar-o-dar khaamosh hain

— Azhar Naqvi

kal shajar ki guftugu sunte the aur hairat mein the
ab parinde bolte hain aur shajar khaamosh hain

— Azhar Naqvi