Tanveer Sipra

aaj bhi 'sipra' us ki khushbu mill malik le jaata hai
main lohe ki naaf se paida jo kasturi karta huun

ab tak mire a.asab pe mehnat hai musallat
ab tak mire kanon men mashinon ki sada hai

kabhi apne vasa.el se na baDh kar khvahishen paalo
vo pauda TuuT jaata hai jo la-mahdud phalta hai

kitna buad hai mere fan aur peshe ke mabain
bahar danish-var huun lekin mill men oil-man

aaj itna jalao ki pighal jaa.e mira jism
shayad isi surat hi sukun paa.e mira jism

jo kar raha hai dusron ke zehn ka ilaaj
vo shakhs khud bahut baDa zehni mariz hai

main apne bachpane mein chhu na paayaa jin khilaunon ko
unhi ke vaaste ab meraa beTaa bhi machaltaa hai

kitnaa buad hai mere fan aur peshe ke maabain
baahar daanish-var huun lekin mill mein oil-man

sab ki nigaah mein tire godaam aa gae
ab apne haathon maal ki taqsim kar na kar

dihaat ke vajud ko qasba nigal gayaa
qasbe kaa jism shahr ki buniyaad khaa gai

mill maalik ke kutte bhi charbile hain
lekin mazduron ke chehre piile hain

kabhi apne vasaael se na baDh kar khvaahishein paalo
vo paudaa TuuT jaataa hai jo laa-mahdud phaltaa hai