kamar dhokaa dahan uqda ghazaal aankhein pari chehra — Wajid Ali Shah Akhtar

turaab-e-paa-e-hasinaan-e-lakhnau hai ye
ye khaaksaar hai 'akhtar' ko naqsh-e-paa kahiye

— Wajid Ali Shah Akhtar

mujhi ko vaaizaa pand-o-nasihat
kabhi us ko bhi samjhaayaa to hotaa

— Wajid Ali Shah Akhtar

dar-o-divaar pe hasrat se nazar karte hain
khush raho ahl-e-vatan ham to safar karte hain

— Wajid Ali Shah Akhtar

be-muravvat ho bevafaa ho tum
apne matlab ke aashnaa ho tum

— Wajid Ali Shah Akhtar

yahi tashvish shab-o-roz hai bangaale mein
lucknow phir kabhi dikhlaae muqaddar meraa

— Wajid Ali Shah Akhtar

ulfat ne tiri ham ko to rakkhaa na kahin kaa
dariyaa kaa na jangal kaa samaa kaa na zamin kaa

— Wajid Ali Shah Akhtar

ek parda saa hai fareb-e-nazar
ye bhi uTThe to dekhnaa kyaa hai

— Soz Hoshiarpuri

is qadar musalsal thiin shiddatein judaai ki
aaj pahli baar us se main ne bevafaai ki

— Ahmad Faraz

mere baa'd vafaa kaa dhokaa aur kisi se mat karnaa
gaali degi duniyaa tujh ko sar meraa jhuk jaaegaa

— Qateel Shifai

kuchh to majburiyaan rahi hongi
yuun koi bevafaa nahin hotaa

— Bashir Badr

yaar main itnaa bhukaa huun
dhokaa bhi khaa letaa huun

— Aks Samastipuri

aashiq huun pa maashuq-farebi hai miraa kaam
majnun ko buraa kahti hai lailaa mire aage

— Mirza Ghalib