be-muravvat ho bevafaa ho tum — Wajid Ali Shah Akhtar

turaab-e-paa-e-hasinaan-e-lakhnau hai ye
ye khaaksaar hai 'akhtar' ko naqsh-e-paa kahiye

mujhi ko vaaizaa pand-o-nasihat
kabhi us ko bhi samjhaayaa to hotaa

dar-o-divaar pe hasrat se nazar karte hain
khush raho ahl-e-vatan ham to safar karte hain

yahi tashvish shab-o-roz hai bangaale mein
lucknow phir kabhi dikhlaae muqaddar meraa

ulfat ne tiri ham ko to rakkhaa na kahin kaa
dariyaa kaa na jangal kaa samaa kaa na zamin kaa

kamar dhokaa dahan uqda ghazaal aankhein pari chehra
shikam hiiraa badan khushbu jabin dariyaa zabaan iisaa

vafaa tujh se ai bevafaa chaahtaa huun
miri saadgi dekh kyaa chaahtaa huun

miraa ishq bhi khud-gharaz ho chalaa hai
tire husn ko bevafaa kahte kahte

khulaa fareb-e-mohabbat dikhaai detaa hai
ajab kamaal hai us bevafaa ke lahje mein

savaal ye hai ki is pur-fareb duniyaa mein
khudaa ke naam pe kis kis kaa ehtiraam karein

'ehsaan' apnaa koi bure vaqt kaa nahin
ahbaab bevafaa hain khudaa be-niyaaz hai

kisi fard-e-mohabbat se bhalaa ummid kyaa rakhnaa
mohabbat bevafaa thi bevafaa hai bevafaa hogi