mere taayaa se vo hain umr mein das saal baDi — Zia

hai ajab nizaam zakaat kaa mire mulk mein mire des mein
ise kaaTtaa koi aur hai ise baanTtaa koi aur hai

— Zia

mujhe apni biivi pe fakhr hai mujhe apne saale pe naaz hai
nahin dosh donon kaa is mein kuchh mujhe DaanTtaa koi aur hai

— Zia

khush hote hain ham log agar koi hasina
is umr ham par koi tohmat hi lagaae

— Zia

jaane kaa naam hi nahin letaa vo nek-bakht
''muddat hui hai yaar ko mehmaan kiye hue''

— Zia

vo bhari bazm mein kahti hai mujhe uncle-ji
diplomacy hai ye kaisi miri ham-saai ki

— Zia

sar-e-bazm mujh ko uThaa diyaa mujhe maar maar liTaa diyaa
mujhe maartaa koi aur hai vale haanptaa koi aur hai

— Zia

kam-umri mein sunet hain
mar jaate hain achchhe log

— Malikzada Javed

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

zindagi ke bahut qarib na jaa
faasla kuchh to apne dhyaan mein rakh

— Akmal Imaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim