Zia

hai ajab nizaam zakaat kaa mire mulk mein mire des mein
ise kaaTtaa koi aur hai ise baanTtaa koi aur hai

mujhe apni biivi pe fakhr hai mujhe apne saale pe naaz hai
nahin dosh donon kaa is mein kuchh mujhe DaanTtaa koi aur hai

jaane kaa naam hi nahin letaa vo nek-bakht
''muddat hui hai yaar ko mehmaan kiye hue''

mere taayaa se vo hain umr mein das saal baDi
ghar ke har fard pe dahshat hai miri taai ki

vo bhari bazm mein kahti hai mujhe uncle-ji
diplomacy hai ye kaisi miri ham-saai ki

sar-e-bazm mujh ko uThaa diyaa mujhe maar maar liTaa diyaa
mujhe maartaa koi aur hai vale haanptaa koi aur hai