Abdul Majeed Hairat

ishq men ain hunar-mandi hai
sab jise be-hunari kahte hain

koi khush ho ki khafa ho 'hairat'
ham to har baat khari kahte hain

sach to ye hai ki nadamat hi hui
raaz ki baat kisi se kah ke

bahr-e-bimar dava hai na dua
kya ise charagari kahte hain

'hairat' ke gham-kade men khushi ka guzar kahan
aap aa ga.e to raunaq-e-kashana ho ga.i

ye shabab-e-husn ye husn-e-shabab
hashr tak un par yahi aalam rahe

sub.h ye fikr ki ho jaa.e shaam
shaam ko ye ki sahar ho jaa.e

sach to ye hai ki nadaamat hi hui
raaz ki baat kisi se kah ke

koi khush ho ki khafaa ho 'hairat'
ham to har baat khari kahte hain

bahr-e-bimaar davaa hai na duaa
kyaa ise chaaragari kahte hain

'hairat' ke gham-kade mein khushi kaa guzar kahaan
aap aa gae to raunaq-e-kaashaana ho gai

ye shabaab-e-husn ye husn-e-shabaab
hashr tak un par yahi aalam rahe