ye shabaab-e-husn ye husn-e-shabaab — Abdul Majeed Hairat

sub.h ye fikr ki ho jaa.e shaam
shaam ko ye ki sahar ho jaa.e

sach to ye hai ki nadaamat hi hui
raaz ki baat kisi se kah ke

koi khush ho ki khafaa ho 'hairat'
ham to har baat khari kahte hain

bahr-e-bimaar davaa hai na duaa
kyaa ise chaaragari kahte hain

'hairat' ke gham-kade mein khushi kaa guzar kahaan
aap aa gae to raunaq-e-kaashaana ho gai

ishq mein ain hunar-mandi hai
sab jise be-hunari kahte hain

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

shor din ko nahin sone detaa
shab ko sannaaTaa jagaa detaa hai

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

shuur-e-zindagi ki raushni mein
shab-e-gham bhi sahar se kam nahin hai