sub.h ye fikr ki ho jaa.e shaam — Abdul Majeed Hairat

sach to ye hai ki nadaamat hi hui
raaz ki baat kisi se kah ke

koi khush ho ki khafaa ho 'hairat'
ham to har baat khari kahte hain

bahr-e-bimaar davaa hai na duaa
kyaa ise chaaragari kahte hain

'hairat' ke gham-kade mein khushi kaa guzar kahaan
aap aa gae to raunaq-e-kaashaana ho gai

ye shabaab-e-husn ye husn-e-shabaab
hashr tak un par yahi aalam rahe

ishq mein ain hunar-mandi hai
sab jise be-hunari kahte hain

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

maango samundaron se na saahil ki bhiik tum
haan fikr o fan ke vaaste gahraai maang lo

vo ajab ghaDi thi main jis ghaDi liyaa dars nuskha-e-ishq kaa
ki kitaab aql ki taaq par juun dhari thi tyuun hi dhari rahi

azaab-e-daanish-e-haazir se baa-khabar huun main
ki main is aag mein Daalaa gayaa huun misl-e-khalil

shorish-e-ishq mein hai husn baraabar kaa sharik
soch kar jurm-e-tamannaa ki sazaa do ham ko