Hakim Mohammad Ajmal Khan Shaida

duniya bas is se aur ziyada nahin hai kuchh
kuchh roz hain guzarne aur kuchh guzar ga.e

mai na ho bu hi sahi kuchh to ho rindon ke liye
isi hiile se bujhegi havas-e-jam-e-sharab

ta.assub bar-taraf masjid ho ya ho ku-e-but-khana
rah-e-dildar par jaata qadam yuun bhi hai aur yuun bhi

dard ko rahne bhi de dil men dava ho ja.egi
maut aa.egi to ai hamdam shifa ho ja.egi

charcha hamara ishq ne kyuun ja-ba-ja kiya
dil us ko de diya to bhala kya bura kiya

rukhsar par hai rang-e-haya ka farogh aaj
bose ka naam main ne liya vo nikhar ga.e

charchaa hamaaraa ishq ne kyuun jaa-ba-jaa kiyaa
dil us ko de diyaa to bhalaa kyaa buraa kiyaa

dard ko rahne bhi de dil mein davaa ho jaaegi
maut aaegi to ai hamdam shifaa ho jaaegi

duniyaa bas is se aur ziyaada nahin hai kuchh
kuchh roz hain guzaarne aur kuchh guzar gae

rukhsaar par hai rang-e-hayaa kaa farogh aaj
bose kaa naam main ne liyaa vo nikhar gae

vo sar hi kyaa ki jis mein tumhaaraa na ho khayaal
vo dil hi kyaa ki jis mein tumhaaraa guzar na ho

mai na ho bu hi sahi kuchh to ho rindon ke liye
isi hiile se bujhegi havas-e-jaam-e-sharaab