ishrat-e-haal-e-nau mubaarak ho — Jaun Elia

bin tumhaare kabhi nahin aai
kyaa miri niind bhi tumhaari hai

ek qattaala chaahiye ham ko
ham ye ealaan-e-aam kar rahe hain

chaand ne taan li hai chaadar-e-abr
ab vo kapDe badal rahi hogi

bahut nazdik aati jaa rahi ho
bichhaDne kaa iraada kar liyaa kyaa

ham ajab hain ki us ki baahon mein
shikva-e-naarasaai karte hain

dil ki taklif kam nahin karte
ab koi shikva ham nahin karte

ghiraa huaa huun janam-din se is taaaqub mein
zamin aage hai aur aasmaan mire pichhe

baanT Daale aise ham ne dil ke TukDe kaaT kar
janm din pe baanTte hain cake jaise kaaT kar

baar-e-khaatir hi agar hai to inaayat kiije
aap ko husn mubaarak ho miraa dil mujh ko

sair-e-gulzaar mubaarak ho sabaa ko ham to
ek parvaaz na ki thi ki giraftaar hue

aaj yaaron ko mubaarak ho ki subh-e-eid hai
raag hai mai hai chaman hai dilrubaa hai diid hai

chaand bannaa tumhein mubaarak ho
ghar hamaaraa karoge kab raushan