Javed Shaheen

khata kis ki hai tum hi vaqt se bahar rahe 'shahin'
tumhen avaz dene ek lamha duur tak aaya

thoDa sa kahin jam.a bhi rakh dard ka paani
mausam hai koi khushk sa barsat se aage

main ne dekha hai chaman se rukhsat-e-gul ka saman
sab se pahle rang maddham ek kone se hua

hisab-e-dostan karne hi se malum ye hoga
khasare men huun ya ab main khasare se nikal aaya

kahin sada-e-jaras hai na gard-e-rah-e-safar
Thahar gaya hai kahan qafila tamanna ka

maza to jab hai udasi ki shaam ho 'shahin'
aur us ke biich se sham-e-tarab nikal aa.e

kis tarah be-mauj aur khaali ravaani se huaa
be-khabar dariyaa kahaan par apne paani se huaa

samajh rahaa hai zamaana riyaa ke pichhe huun
main ek aur tarah se khudaa ke pichhe huun

thoDaa saa kahin jama bhi rakh dard kaa paani
mausam hai koi khushk saa barsaat se aage

Dubne vaalaa thaa din shaam thi hone vaali
yuun lagaa miri koi chiiz thi khone vaali

kuchh zamaane ki ravish ne sakht mujh ko kar diyaa
aur kuchh bedard main us ko bhulaane se huaa

judaa thi baam se divaar dar akelaa thaa
makin the khud mein magan aur ghar akelaa thaa