Mohsin Bhopali

us se mil kar usi ko puchhte hain
be-khayali si be-khayali hai

khanda-e-lab men nihan zakhm-e-hunar dekhega kaun
bazm men hain sab ke sab ahl-e-nazar dekhega kaun

koi surat nahin kharabi ki
kis kharabe men bas raha hai jism

pahle jo kaha ab bhi vahi kahte hain 'mohsin'
itna hai ba-andaz-e-digar kahne lage hain

iblagh ke liye na tum akhbar dekhna
ho justuju to kucha-o-bazar dekhna

lafzon ke ehtiyat ne ma.ani badal diye
is ehtimam-e-shauq men husn-e-asar gaya

sadaa-e-vaqt ki gar baaz-gasht san paao
mire khayaal ko tum shaairaana kah denaa

hamaari jaan pe dohraa azaab hai 'mohsin'
ki dekhnaa hi nahin ham ko sochnaa bhi hai

iblaagh ke liye na tum akhbaar dekhnaa
ho justuju to kucha-o-baazaar dekhnaa

zindagi gul hai naghma hai mahtaab hai
zindagi ko faqat imtihaan mat samajh

kyaa khabar thi hamein ye zakhm bhi khaanaa hogaa
tu nahin hogaa tiri bazm mein aanaa hogaa

is liye suntaa huun 'mohsin' har fasaana ghaur se
ik haqiqat ke bhi ban jaate hain afsaane bahut