Nazm Tabatabai

bichhaD ke tujh se mujhe hai umiid milne ki
suna hai ruuh ko aana hai phir badan ki taraf

uDaa.i khaak jis sahra men tere vaste main ne
thaka-manda mila in manzilon men asman mujh ko

dil is tarah hava-e-mohabbat men jal gaya
bhaDki kahin na aag na uTTha dhuan kahin

banaya toD ke a.ina a.ina-khana
na dekhi raah jo khalvat se anjuman ki taraf

jo ahl-e-dil hain alag hain vo ahl-e-zahir se
na main huun shaikh ki janib na barhaman ki taraf

nashshe men sujhti hai mujhe duur duur ki
naddi vo samne hai sharab-e-tuhur ki

yuun main sidhaa gayaa vahshat mein bayaabaan ki taraf
haath jis tarah se aataa hai garebaan ki taraf

dard-e-dil se ishq ke be-pardagi hoti nahin
ik chamak uThti hai lekin raushni hoti nahin

bichhaD ke tujh se mujhe hai umiid milne ki
sunaa hai ruuh ko aanaa hai phir badan ki taraf

dil is tarah havaa-e-mohabbat mein jal gayaa
bhaDki kahin na aag na uTThaa dhuaan kahin

banaayaa toD ke aaina aaina-khaana
na dekhi raah jo khalvat se anjuman ki taraf

asiri mein bahaar aai hai fariyaad-o-fughaan kar lein
nafas ko khun-fishaan kar lein qafas ko bostaan kar lein