Shayari Of Rizwan Hasnie Muslim

kabhī ḳhiffat chhupāne meñ kabhī rishte nibhāne meñ
kabhī andhā kabhī bahrā kabhī gūñgā banā huuñ maiñ

rishte vā'de bāteñ yādeñ chhoḌ ke aage aayā huuñ
pīchhe muḌ kar dekhūñgā to patthar kā ban jā.ūñgā

shādī ke din mu'āmla gambhīr ho gayā
us ne kahā qubūl magar aañkh maar ke

zarūrī hai ki dil par 'aql pahre-dār ho jaa.e
na jaane kin sharā.it par tirā iqrār ho jaa.e

baḌe hī josh se insāf kī zanjīr kheñchī thī
baḌī hī zor se ghanTī girī hai TuuT kar sar par

detā jo sard raat meñ kambal ġharīb ko
denā na paḌtā sub.h ko ḳhairāt meñ kafan

chashma ravāñ huā na koī qāfila rukā
eḌī ragaḌte rah ga.e nā-chār dasht meñ

sab ḳhvāb hamāre sach hote
to niiñd hamārī uḌ jaatī

rasman gale to milte haiñ ham 'iid par zarūr
lekin diloñ ke fāsle hote nahīñ haiñ duur