shaadi ke din mu'aamla gambhir ho gayaa — Rizwan Hasnie Muslim

kabhi khiffat chhupaane mein kabhi rishte nibhaane mein
kabhi andhaa kabhi bahraa kabhi gungaa banaa huun main

— Rizwan Hasnie Muslim

rasman gale to milte hain ham 'iid par zarur
lekin dilon ke faasle hote nahin hain duur

— Rizwan Hasnie Muslim

rishte vaa'de baatein yaadein chhoD ke aage aayaa huun
pichhe muD kar dekhungaa to patthar kaa ban jaaungaa

— Rizwan Hasnie Muslim

baDe hi josh se insaaf ki zanjir kheinchi thi
baDi hi zor se ghanTi giri hai TuuT kar sar par

— Rizwan Hasnie Muslim

sab khvaab hamaare sach hote
to niind hamaari uD jaati

— Rizwan Hasnie Muslim

zaruri hai ki dil par 'aql pahre-daar ho jaae
na jaane kin sharaait par tiraa iqraar ho jaae

— Rizwan Hasnie Muslim

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir