rishte vaa'de baatein yaadein chhoD ke aage aayaa huun — Rizwan Hasnie Muslim

kabhi khiffat chhupaane mein kabhi rishte nibhaane mein
kabhi andhaa kabhi bahraa kabhi gungaa banaa huun main

rasman gale to milte hain ham 'iid par zarur
lekin dilon ke faasle hote nahin hain duur

shaadi ke din mu'aamla gambhir ho gayaa
us ne kahaa qubul magar aankh maar ke

baDe hi josh se insaaf ki zanjir kheinchi thi
baDi hi zor se ghanTi giri hai TuuT kar sar par

sab khvaab hamaare sach hote
to niind hamaari uD jaati

zaruri hai ki dil par 'aql pahre-daar ho jaae
na jaane kin sharaait par tiraa iqraar ho jaae

mere khvaabon ke jharokon ko sajaate rahiye
na sahi vasl magar yaad to aate rahiye

ho gae din jinhein bhulaae hue
aaj kal hain vo yaad aae hue

tum se mile to khud se ziyaada
tum ko akelaa paayaa ham ne

kar kuchh aisaa ki tujhe yaad rakhun
bhuul jaane kaa taqaazaa hi sahi

chheDtaa kyuun hai khudaa ke liye sayyaad mujhe
nau-giraftaar huun aati nahin fariyaad mujhe

koi shikva na gham na koi yaad
baiThe baiThe bas aankh bhar aai