Sarvat Husain

maut ke darinde men ik kashish to hai 'sarvat'
log kuchh bhi kahte hon khud-kushi ke baare men

'sarvat' tum apne logon se yuun milte ho
jaise un logon se milna phir nahin hoga

sochta huun dayar-e-be-parva
kyuun mira ehtiram karne laga

bhar ja.enge jab zakhm to a.unga dobara
main haar gaya jang magar dil nahin haara

jise anjam tum samajhti ho
ibtida hai kisi kahani ki

surma jis ke kinaron se palaT aate hain
main ne kashti ko utara hai usi paani men

saya-e-abr se puchho 'sarvat'
apne hamraah agar le jaae

shahzaadi tujhe kaun bataae tere charaag-kade tak
kitni mehraabein paDti hain kitne dar aate hain

kyuun girafta-dil nazar aati hai ai shaam-e-firaaq
ham jo tere naaz uThaane ke liye maujud hain

jise anjaam tum samajhti ho
ibtidaa hai kisi kahaani ki

ik daastaan ab bhi sunaate hain farsh o baam
vo kaun thi jo raqs ke aalam mein mar gai

teri aashufta-mizaaji ai dil
kyaa khabar kaun nagar le jaae